Hordaland fylkeskommune skal forvalta 100 millionar kroner som skal brukast til å motverka eventuelle negative verknader for reiselivet i Hardanger når avgjerdsla om "monstermastene" no er teken. Statsministeren benektar at dei 100 millionane er ei form for politisk avlat, ifylgje Vårt Land
Ordførar i Ulvik, Mona Hellesnes, har tidlegare truga med å legga seg i lenkjer for å stogga utbygging av kraftlinjer i Hardanger, noko ho sto fast ved ifylgje nrk-hordaland. Nå får ho støtte av næringslivsleiar Johan Fredrik Odfjell.
Regjeringa med energiminister Terje Riis - Johansen i spissen, gjekk før helga inn for at høgspentlinja frå Sima til Samnanger skal gå i luftstrekk.
Mellom andre Oddfjell meiner at jordkabel er for dårleg utgreidd. Til dette svarar energiministeren at det etter regjeringa si meining, er for risikabelt med sjøkabel - og viser til brotet på kabelen i Oslofjorden - som det tok 18 månader å reparera.
I debatt med energiministeren laurdag, sa Oddfjell at regjeringa viser ein rørande omsorg for energiforsyninga til Bergen, men at det ved eit eventuelt brot på ein sjøkabel, berre vil vera å kobla inn att dei linjene som forsyner Bergen i dag.
Det regjeringa no har vedteke, inneber at det kjem til å gå ei ei 60 meter brei straumgate gjennom fjord og fjell i Hardanger, dei høgaste mastene vert 45 meter høhe. Avgjersla kan ikkje ankast. No fryktar naturforkjemparar og ordførarar i utsette kommunar at fleire vil verta overkøyrde på samme måte.
- Me fryktar at dette kan skape presedens, men me skal gjere alt som står i vår makt for å hindre at dette vert eit presedensvedtak, seier Arnodd Håpnes i Naturvernforbundet til nrk-hordaland
Dagbladet hadde ei dobbelside om denne saka laurdag, der mellom andre ordføraren i Granvin som og er leiar av Folkeaksjonen mot kraftlinjer, utrykker at denne avgjerdsla er eit stort vonbrot.
Statsminister Jens Stoltenberg seier til Vårt Land at saka er krevjande fordi det er stort lokalt engasjement, men landet ikkje kan leva med den store risikoen for svært høge prisar eller utkobling av straum i bergensområdet, som ein har med dagens situasjon. Derfor er denne avgjerdsla viktig, seier Stoltenberg, til vårt-land
Les pressemeldinga frå regjeringa her: Sima-Samnanger