Laurdag føremiddag går den tradisjonelle fiskefestivalen i Fjæra av stabelen, og sundag ettermiddag opnar turstien rundt Rullestadvatnet offisielt. Dagleg leiar på Halvfjordingen på Rullestad, Per Martin Kjellesvik ynskjer alle velkomen

I samtale med Radio Folgefonn seier Kjellesvik at han er både overraska og glad for den interessa folk i nære nabokommunar har vist for turstiane i området. - Vegen rundt vatnet er det mange som har gått allereie, seier han, - før Fjæra og Rullestad Idrettslag - som har rydda stien, inviterer til offisiell innvigsling.

Turen rundt vatnet startar klokka 16.00 og tek omlag ein time, etter det Kjellesvik seier, og det er flatt og fint heile vegen.

Per Martin Kjellesvik minnar og om at det og er høve til å driva fjellklatring på Rullestad i sommar, tilrettelagt av ein profesjonell fjellklatrar. Han viser og til mogelegheiten til å prøva strikkhopp frå Trolljuvet Bru med tryggleik i fokus.