Kun 62 av landets 429 kommunar kreve at deira leverandørar bidreg til kjeldesortering. Voss og Øygarden er førebels dei eineste kommunane i Hordaland stiller dette kravet

Innsamling, kjeldesortering og attvinning er ein viktig del av kampen for miljøet. Likevel er det i dag fleire av dei som sel og produserer varer, som ikkje betaler for attvinning av emballasjen ifylgje ei pressemelding frå Pressenytt.

 Miljøvernminister Bård Vegar Solhjell understrekar at det offentlege i endå større grad bør nytta seg av påvirkningskrafta dei har. 

– Det offentlege gjer innkjøp for 400 milliardar i året og har derfor stor mogelegheit til å påvirka leverandørar til å ta miljøansvar, seier miljøvernministeren. 

Fornyings- og administrasjonsdepartementet beslutta i 2009 at offentlege verksemder skal kreva at deira leverandørar er medlem i ein returordning for brukt emballasje. Per i dag er berre 62 av 429 kommunar kontrollmedlem i Grønt Punkt si returordning. Øygarden og Voss er dei einaste to kommunane i Hordaland som er med i ordninga.Fylkesmannen i Hordaland er og kontrollmedlem. 

  – Å vera kontrollmedlem i Grønt Punkt Norge er eit veldig enkelt tiltak for å signalisera at me ynskjer å ta samfunnsansvar i miljøspørsmål. Dessuten er medlemskapet ein føresetnad for å verta miljøfyrtårnsertifisert, noko som kommunen har som mål i et lengre perspektiv, sier Otto Harkestad, ordfører i Øygarden. 

– Ved at det vert stilt krav til leverandørane, synleggjer me at miljø er eit viktig tema ved innkjøp i kommunen. Aktuelle leverandørar som ikkje er med i returordninga, kan ikkje lenger være «gratispassasjerar» ved at andre finansierer den. Jo fleire medlemer, desto større gjennomslagskraft, seier Harkestad. 

2011 vart det brukt over 61 000 tonn plastemballasje og nærare 10 000 tonn isopor i næringslivet.  

 – Næringslivet kan visa til gode resultat for attvinning gjennom produsentansvarsordningane for emballasje. Men det er viktig at alle tek del. Store innkjøparar kan bidra ved å verta kontrollmedlem i Grønt Punkt. Eg oppfordrar alle offentlege etatar og kommunar til å verta kontrollmedlem, seier Bård Vegar Solhjell. Han legg til at Miljøverndepartementet har vore kontrollmedlem i fleire år. 

  Les meir om grønt punkt